BENVIDOS BURBULLA ATÓMICA

Benqueridos rapaces,

Comezamos curso con moitas gañas e ilusión...polo menos eu :)

A partir de agora irei subindo aquí as fotos que vaia realizando na clase ou nas saídas que poidamos realizar.

Na barra lateral dereita tedes a AXENDA DE TAREFAS, para ver o que temos pendente por facer en caso de ausencia á clase. Simplemente tedes que "CLICKAR" encima dela e abrirase o CALENDARIO (Google Calendar).

Outro recurso que podedes usar e ver as veces que queirades son os vídeos explicativos sobre TÉCNICAS DE ESTUDO (na banda dereita)

E, por último, MIMO tamén ten sorpresa! Ten gardado na súa imaxe un vídeo sobre como facer correctamente un MAPA MENTAL.

Ánimo burbulla que ARRANCAMOS!

GATIPEDROS

              

Ola tropa!

O pasado antroido vestímonos como Gatipedros que, como xa lembraredes, é unha figura mitolóxica galega que facía facer pis aos nenos na cama!

Déixovos aquí as fotos dese día como recordo :)

TAFAD, CIENCIA E MAGOSTO

Durante esta semana realizamos moitas actividades lúdicas xa que celebramos o Samaín, o Magosto e, por último, a Semana da Ciencia. 

Comezamos o luns cos monitores de TAFAD realizando xogos preparados e guiados por eles.

O martes arrancamos con distintos experimentos.  Tiñades que probalos e seguir o método científico para realizalos e verificar así as vosas hipóteses. 

Xa sabedes, sempre temos que observar para poder coñecer o que nos rodea.

Este experimento tivo que ser realizado no baño :)

Logo do recreo tivemos dúas sesións cos compañeiros de 6ºB que, divididos en equipos, explicáronnos o funcionamento dos distintos tipos de pancas. Moi bos mestres, sí señor! O mestre Javi fixo un repaso final para asentar os conceptos máis importantes. Lembrade sempre: ARPA (ARP= APOIO, RESISTENCIA e POTENCIA)

Outra actividade na que nos iniciamos foi Robótica mediante o programa de ordenador Scratch. Seguiremos traballando nel ao longo do curso se vemos que vos gusta!

E, por último, chegou o Magosto! Todos a gozar das castañas!